Scratch námskeið í Fossvogsskóla (20. og 21. jan)

Nauðsynlegur fjöldi

Nauðsynlegur fjöldi skráninga svo við getum haldið námskeiðið.

15

Greiddar skráningar

Staðfestar skráningar sem búið er að greiða fyrir.

20

Ógreiddar skráningar

Óstaðfestar skráningar sem ekki hafa verið greiddar.

2

Vegna meiriháttar skráningar á Scratch námskeiðið í Fossvogsskóla erum við að bæta við öðru eins námskeiði helgina eftir

Námskeið í Scratch forritun fyrir 1. - 4. bekk verður haldið frá 20. - 21. janúar næstkomandi. Scratch tólið er eitt vinsælasta verkfærið til að kenna ungum börnum grunnatriði forritunar. Þar kynnast þau forritun með grafísku viðmóti. Námskeiðið verður haldið í Fossvogsskóla frá 13:00 - 16:00 báða dagana.

 

Námskeiðsgjald er 6.000 kr.

 

Athugið að námskeiðið verður haldið með fyrirvara um næga þátttöku sem eru 15 skráningar.

 

Ef lágmarksþátttaka næst ekki verður námskeiðsgjald endurgreitt að fullu.

 

Um Scratch:

 

Tæknilæsi er orðið stór hluti af okkar samfélagi og hæfileikinn til að skrifa kóða sem framkvæmir ákveðna vinnu orðinn gríðarlega mikilvægur. Þegar ungmenni læra Scratch þá læra þau algengar leiðir til að leysa vandamál, hanna verkefni og koma frá sér hugmyndum í töluðu máli. Scratch byggir á sömu aðferðum og flest forritunarmál sem notast er við í dag en í einfaldari mynd þar sem notandinn þarf ekki að skrifa texta heldur púslar hann saman aðgerðum til að ná fram þeirri virkni sem hann óskar eftir. Þeir sem hafa lært að nota Scratch hafa því ákveðið forskot þegar kemur að því að læra hefðbundna forritun.

 

Á námskeiðinu förum við yfir virkjana í Scratch og kennum ýmsar leiðir til að fá fígúrur til að labba, hoppa, snúa sér í hringi og dansa. Við hönnum bakgrunna sem breytast eftir aðstæðum, framköllum hljóð og útbúum einfaldan tölvuleik

 

Tímasetningar:

 

20. janúar // 13:00 - 16:00

 

21. janúar // 13:00 - 16:00

 

Þátttakendur þurfa ekki að eiga eigin tölvu til að taka þátt. Við komum með vinnustöðvar fyrir alla.

 

Ekki gleyma að deila viðburðinum á Facebook svo við náum lágmarksþátttöku.

 

Kóder.is eru hugsjónasamtök sem stefna að því að gera forritun aðgengilega fyrir börn og unglinga úr öllum þjóðfélagsstigum. Með því að kynna forritun fyrir börnum og unglingum er verið að opna þeim nýjar dyr innan tölvuheimsins. Í stað þess að vera einungis neytendur á afþreyingarefni og tölvuleikjum efla þau eigin rökvísi, sköpunargáfu og læra vandamálagreiningu frá unga aldri.

Pantaðu námskeið núna fyrir þinn skóla, félagsmiðstöð eða ef þú hefur sambærilegt rými til yfirráða.

Panta námskeið

Styrkja Kóder.is

Hægt er að styrkja Kóder.is með margvíslegum hætti. Ein vinnustöð samanstendur af Raspberry Pi og jaðartækjum (skjár, lyklaborð, mús, SD kort og kaplar) og kostar u.þ.b. €150 evrur (um 21 þúsund kr). Til að halda kostnaði niðri setjum við vinnustöðina saman sjálf.

Einnig er hægt að styrkja einstaka þáttakendur með fríu plássi með styrk upp á €75 evrur (um 10.000 þúsund krónur).

Hafðu samband við okkur ef þú eða fyrirtæki þitt getur hjálpað.

Eftirfarandi fyrirtæki og stofnanir styðja við bakið á okkur ásamt fjölmörgum einstaklingum sem hafa lagt okkur lið.

Hafa samband

Sendu okkur póst ef þú vilt fá frekari upplýsingar um samtökin, námskeiðin, til að panta námskeið í þínu hverfi eða til að styrkja Kóder.is

Senda fyrirspurn

Kóder.is

Áhugi barna á tölvutækni helst ekki í hendur við framboð á námi og verð á námskeiðum í forritun fyrir krakka eru ekki viðráðanleg fyrir tekjulægstu hópa samfélagsins. Við viljum að ungir krakkar geti sótt þetta nám án þess að þurfa að ferðast langar leiðir og greiða fyrir það háar upphæðir. Til að læra forritun er ekki þörf á dýrum vélbúnaði og með því að koma með námskeiðið í þeirra hverfi er ekki þörf fyrir samtökin að reka húsnæði.

Þú getur notað formið hér til að senda okkar póst eða sent okkur póst beint á koder [at] koder.is